23 студзеня 2020 года Кітай зачыніў адзінаццацімільённы горад Ухань, каб прадухіліць распаўсюд COVID-19. «76 дзён» – пранізлівы аповед аб людзях, якія апынуліся ў эпіцэнтры пандэміі. Жанчына, што марна дабіваецца дазволу развітацца з бацькам. Хворы на дэменцыю стары, які шукае дарогу дадому. Сямейная пара ў трывожным чаканні нараджэння дзіцяці. Медсястра, якая вырашыла аддаць асабістыя рэчы сем’ям памерлых. Гэтыя шчырыя асабістыя гісторыі – хроніка смерці і адраджэння горада ў перыяд каранціна, сведчанне чалавечай мужнасці і здольнасці ўстаяць у трагічныя часы.

2020 МКФ у Таронта (Канада) – сусветная прэм’ера