Аб’яднаўшы оперу «Іаланта» пра ратаванне каханнем невідушчай каралеўны з балетам «Шчаўкунчык», Дзмітрый Чарнякоў ператварыў гіганцкую сцэну парыжскай Оперы Бастылія ў чароўнае навагодняе свята, дзе магчыма ўсё, і цуды – у тым ліку.

Ідэя выконваць «Іаланту» і «Шчаўкунчыка» разам належыць самому аўтару, менавіта так сачынення Пятра Ільіча і былі прадстаўлены першым гледачам. Простае і сенсацыйнае рашэнне дазволіла вывесці ў тэатральны авангард галоўныя сілы абодвух падраздзяленняў Парыжскай оперы – і пеўчыя, і танцавальныя. У новай «Іаланце», якая ператварае казку ў гісторыю рэальнай вялікай любові, задзейнічаны зорны склад спевакоў: Соня Йончава, Аляксандр Цымбалюк, Арнольд Руткоўскі. Феерычная харэаграфія «Шчаўкункчыка» створана грандыёзнай камандай, якая складаецца з Сідзі Ларбі Шеркаўі, Эдуарда Лока і Артура Піты.