«Захоўвайце чысціню!» – слоган новаабранага прэзідэнта літаральны і датычыцца нават знешнасці грамадзян. Некалькі дзяцей, у тым ліку аблавухі Пол, псуюць сваім выглядам школьныя фатаграфіі. Калі «брыдкіх» дзяцей адпраўляюць на таямнічую экскурсію, яны надта позна разумеюць, што гэта пастка і што ўлады хочуць іх пазбавіцца. Полу ўдаецца збегчы і схавацца ў сваёй прыгожай аднакласніцы Сары. Разам яны ствараюць падпольны клуб «брыдкіх дзяцей», і неўзабаве іх рух набывае маштаб рэвалюцыі. Юныя бунтары ў стане даказаць, што свет да лепшага мяняюць не абавязкова прыгажуны і дарослыя людзі.

2020 Кіеўскі МКФ «Маладосць» (Украіна) – спецыяльны дыплом журы конкурсу Teen Screen за лепшы сцэнарый МКФ дзіцячых фільмаў у Нью-Ёрку (ЗША) – Гран-пры