«Рычард» – спектакль-інсталяцыя па матывах п’ес Шэкспіра, за аснову якога ўзята знакамітая хроніка «Рычард III». Але класікі не будзе, толькі стыльны візуал, інсталяцыонннсць, занурэнне ў digital-асяроддзе і актуальныя разважанні пра вытокі тыраніі. Гісторыя перанесена ў інтэрнэт-свет, digital-асяроддзе, што дазваляе па-новаму зірнуць на знаёмую п’есу. Кім апынецца Рычард? Забойцам, недолюбленным сынам ці трыксцерам?

Спектакль даследуе вытокі жорсткасці галоўнага героя шэкспіраўскага тэксту. У праекце будзе рэалізаваны асабісты аватар digital-мастака Аляксандра Нуво, былога рэзідэнта студыі Арцемія Лебедзева. Музычнае суправаджэнне і голас аватара рэалізуе вакаліст, артыст электроннай музычнай сцэны Міхаіл Кляпец (ODEB).