Сям’я шаснаццацігадовага Давіда пераязджае ў Злін, дзе падлетак далучаецца да новай хакейнай каманды «Ваўкі». Хлопец мае цвёрды намер дабіцца поспеху, але ў камандзе ўжо ёсць варатар, Мікі, і той не збіраецца саступаць сваёй пазіцыі. Каманда настроеная да навічка непрыязна. Капітан Джэры і яго дружбакі паводзяцца, як ім заманецца, а астатнія падпарадкоўваюцца законам зграі. У Давіда дыябет, а тут не церпяць ніякіх праяваў слабасці. Ён усё яшчэ вучыцца кантраляваць свой стан і дозы інсуліну, ад якіх залежыць яго жыццё. Давід становіцца ізгоем і спрабуе даць рады з цкаваннем, але здзекі не спыняюцца…

2020 Міжнародны фестываль дзіцячага і моладзевага кіно ў Зліне (Чэхія) – спецыяльная ўзнагарода за акцёрскую ігру для хакейнай каманды «Ваўкі» Міжнародны фестываль фільмаў для дзяцей і моладзі ў Пусане (Паўднёвая Карэя) – фільм-удзельнік конкурснай праграмы «Знайсці сябе»