Карціны вялікага венецыянскага мастака Тынтарэта дзівілі і амаль палохалі сучаснікаў. Сезанн лічыў, што значэнне Тынтарэта для жывапісу можна параўнаць са значэннем Платона для філасофіі і Бетховена для музыкі. Сучасныя мастацтвазнаўцы параўноўваюць працы Тынтарэта з фільмамі Крыстафера Нолана, адзначаючы незвычайную візіянерскую сілу твораў абодвух аўтараў. Тынтарэта кінематаграфічны, і разглядаць яго карціны на вялікім экране – сапраўднае задавальненне.